Defiçiti 1 trilion dollarë në SHBA – Mnuchin: Shkurtimet tatimore të Trump do të vetëpaguhen
Sekretari i Thesarit në Shtetet e Bashkuara, Steven Mnuchin, tha se shkurtimet tatimore të Donald Trump do të vetëpaguhen në 10 vite, pavarësisht se administrata projekton një defiçit në afat-shkurtër pranë 1 trilionë dollarë. Mnuchin tha për Komisionin Financiar të Senatit se administrata ndodhet në vitin e dytë të kësaj periudhe 10-vjeçare. Zyra kongresionale e buxhetit parashikon një rritje të defiçitit në 1.3 trilionë dollarë në vit, gjatë dekadës së ardhshme, sipër projeksioneve të buxhetit të publikuar këtë javë.
“Shpenzimet janë rritur, por shkurtimet prej 1 trilionë e gjysmë të taksave do të vetëpaguhen”, tha Mnuchin. Buxheti i Trump projekton një ulje të defiçitit në këto 10 vite dhe vlerëson një rritje ekonomike vjetore prej 3%. Megjithatë, projeksionet e administratës janë më optimiste se ato të Fondit Monetar Ndërkombëtar dhe të zyrës kongresionale të buxhetit. Kjo e fundit projekton një rritje me 2.2% të ekonomisë amerikane në vitin fiskal që mbaron më 30 Shtator dhe një rënie të normës poshtë 2% në vitet e ardhshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.