Defiçiti buxhetor në SHBA, CBO: Do të kalojë 1 trln USD në 2020, pavarësisht ekonomisë së fortë

Zyra për Buxhetin e Kongresit parashikon se ekonomia amerikane do të rritet me 2.2% këtë vit, por defiçiti buxhetor do të shënojë 1.02 trilionë dollarë.  Ekonomia do të jetë e fortë gjatë vitit të zgjedhjeve presidenciale, falë shpenzimeve konsumatore.

Agjencia parashikon se rritja ekonomike do të ngadalësohet në një mesatare prej 1.7% nga viti 2021 deri në 2030-n, ndërsa inflacioni dhe normat e interesit do të ngadalësohen në vitin 2023.

Pasi të kalojë 1 trilionë dollarë në vitin 2020, defiçitet federale do të arrijnë në një mesatare prej 1.3 trilionë dollarë në vit nga 2021 në 2030, një nivel që politikanët e kanë konsideruar si të paqëndrueshëm.

Defiçiti buxhetor arriti majën prej 1.4 trilionë dollarë në vitin fiskal 2009,  pasi u ndërmorrën masa emergjencë për të përmbajtur krizën financiare.   Tavani prej 1 trilionë dollarë nuk është prekur që prej vitit 2012 dhe ra në 585 miliardë dollarë në fund të mandatit të dytë të presidentit Obama në 2016-n.

Duke marrë parasysh ligjet aktuale të taksave dhe shpenzimeve, defiçiti buxhetor do të çojë borxhin federal në 31.4 trilionë dollarë në vitin 2030.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.