Dekarbonizimi i shpejtë i Britanisë / Do të ndalojë shitjen e kamionëve me naftë, ose benzinë nga viti 2040
Britania do të ndalojë shitjen e kamionëve me naftë dhe benzinë nga viti 2040, çka është pjesë e një iniciative të gjerë që synon emetime zero të karbonit nga të gjithë format e transportit.
Qeveria e kryeministrit Boris Johnson po synon të rrisë kredencialet mjedisore të vendit, ndërkohë që përgatitet të mbajë konferencën e Kombeve të Bashkuara mbi Ndryshimin klimatik më vonë gjatë vitit. Qeveria bëri të ditur se do të ndalojë shitjen e kamionëve të vegjël me naftë nga viti 2035 dhe të mëdhatë me peshë mbi 26 ton nga viti 2040. Vendi ka caktuar gjithashtu plane për të arritur zero emetime tek rrjeti i metrove deri në vitin 2050 dhe të sigurojë zero ndotje nga aviacioni i brendshëm deri në 2040-n. “Dekarbonizimi nuk është vetëm një proces teknokrat, por ka të bëjë me mënyrën se si transporti ndikon tek cilësia e jetesës dhe ekonomia pozitivisht”- tha sekretari i transportit Grant Shapps. Ndërkohë që fuqitë botërore po përpiqen të shkurtojnë emetimet e dioksidit të karbonit duke zëvendësuar motorët me djege të brendshme, Britania ka premtuar të ndalojë shitjen e makinave të reja me naftë dhe benzinë nga viti 2030.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.