Deklarimi i librave të shit/blerjes– Tatimet: 10 janari afati i fundit për dorëzimin e tyre
Të gjithë tatimpaguesit e biznesit të vogël me qarkullim 2-5 milionë lekë duhet të dorëzojnë Librat e Shitjes dhe Blerjes (për periudhat tetor- nëntor- dhjetor 2018) brenda datës 10 janar.
Sipas Drejtorisë së Përgjithshme të Tatimeve, ky është një detyrim që nuk mbart asnjë penalitet por duhet të përmbushet nga ana e tatimpaguesve sepse këto të dhëna përbëjnë bazën për plotësimin e mëtejshëm të deklaratës së thjeshtuar të TVSH-së.
Administrata Tatimore fton tatimpaguesit që të vizitojnë ‘Këndin e Asistencës’ pranë të gjitha Drejtorive Rajonale Tatimore, ku mund të marrin asistencën e nevojshme për të kryer me korrektësi detyrimet ligjore.
Ndërkohë, mund të telefonojnë gjithashtu pranë Qendrës së Thirrjeve në numrin e gjelbër pa pagesë 0800 00 02, ku një operator do t’ju ofrojë asistencë në kohë reale: nga e hëna në të enjte ora 08:30 -18:00 dhe e premte ora 08:30-16:00. Njëkohësisht, mund të përdorin edhe shërbimin Live Chat në adresën: https://www.tatime.gov.al/
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.