Deklarimi i të ardhurave për individët/ Pritet shtyrje e afatit përtej 30 prillit
Referuar akteve ligjore në fuqi, të gjithë tatimpaguesit me të ardhura në shumën mbi 2 milionë lekë duhet të dorëzojnë deklaratën individuale vjetore të të ardhurave të vitit të kaluar brenda datës 30 prill. Sipas Drejtorisë së Përgjithshme të Tatimeve, kjo deklaratë duhet të paraqitet njëkohësisht edhe nga individët jo rezidentë në vendin tonë që realizojnë këtë vlerë të ardhurave të tatueshme.
Por këtë vit, ekziston mundësia e shtyrjes së afateve si rrjedhojë e emergjencës së krijuar nga pandemia.
Ministria e Financave dhe Ekonomisë ka përgatitur aktet e nevojshme për të bërë ndryshimet në ligj megjithatë mbeten për t’u përcaktuar afatet e reja.
Më konkretisht, tatimpaguesit janë të detyruar të deklarojnë të ardhurat e tatueshme që përfshijnë:
Të ardhura bruto nga paga apo shpërblimet nga marrëdhëniet e punësimit
Të ardhurat bruto nga dividenti
Të ardhurat bruto nga qiraja
Fitimi kapital nga shitja e pasurisë së paluajtshme në pronësi të deklaruesit
Të ardhura bruto nga interesat bankare
Fitimi kapital i krijuar nga investimet në tituj apo nga pasuri të paluajtshme
Shuma bruto të fituara nga lotaria apo lojëra të tjera të fatit
Të ardhurat bruto nga pasuria intelektuale, licencat, të drejtat ekskluzive dhe pasuritë e tjera, që përbëhen vetëm nga të drejta dhe që nuk kanë formë fizike.
Fitimi kapitali nga dhurimi
Të ardhura bruto të realizuara jashtë territorit të Republikës së Shqipërisë
Të ardhura bruto të tjera të papërmendura më lart.
Këtë vit, një kategori e atyre që kanë detyrimin për të bërë deklarimin është edhe ajo e personave që kanë 2 ose më shumë punë, që duhet t’i deklarojnë, pavërësisht nëse arrijnë nivelin 2 milionw lekë në vit ose jo.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.