Deklarimi i TVSH së avokatëve, në bazë të xhiros – Dhoma e Avokatisë: Hapat që duhen ndjekur te Tatimet

Dhoma Kombëtare e Avokatisë ka publikuar në faqen e saj zyrtare rregullat që duhet të ndjekin avokatët për deklarimin e pagesës së Tatimit mbi Vlerën e Shtuar, pas hyrjes në fuqi të vendimit të Gjykatës së Lartë nr. 00-2017- 1809 vendimit, datë 19.07.2017, i cili ka vendosur shfuqizimin e VKM në lidhje me detyrimin e deklarimit dhe pagesës së Tatimit mbi Vlerën e Shtuar (TVSH) nga ana e avokatëve, pa kufi xhiro.

“Ky vendim i hap rrugë klasifikimit të avokateve në kuptimin tregtar, sipas rregullit klasik të ndarjes, në avokatë subjekte të biznesit të vogël dhe ne avokatë subjekte të biznesit të madh. Kufiri ndarjes i këtij klasifikimi lidhet me qarkullimin vjetor që realizon çdo avokat, sipas të cilit avokatët që kryejnë një volum xhiro vjetore deri 5 000 000 lekë (të reja) në vit, janë subjekte të tatimit të thjeshtuar të fitimit dhe përjashtohen nga detyrimi për të deklaruar dhe paguar TVSH, ndërkohe qe ata avokatë qe realizojnë xhiro vjetore mbi 5 000 000 lekë në vit, kanë detyrimin të jenë subjekt i pagesës së TVSH”, thuhet në njoftimin e Dhomës Kombëtare e Avokatisë .

Rekomandimet

Në këtë kuadër, duke qene se deri me sot avokatët kanë qenë subjekte të pagesës se TVSH me kufi xhiro 0 leke, në zbatim të vendimit të GJ.L., Dhoma Kombëtare e Avokatisë rekomandon avokatët të ndjekin procedurat e mëposhtme:

1. Çdo avokat në mënyre individuale, ose përfaqësuesi i tij, duhet te paraqitet pranë zyrës së drejtorisë rajonale tatimore ku duhet të kontaktojë inspektorin e tatimeve që mbulon aktivitetin e tij dhe të kërkoje ndryshimin e statusit, nga subjekt i pagesës së TVSH ne subjekt biznes i vogël, pavarësisht formës juridike person fizik apo juridik.
2. Pasi të ketë marrë miratimin për këtë qellim duhet te drejtohet tek operatoret e mirëmbajtjes së kasave fiskale, për të bërë ndryshimin e aparatit, për prodhimin e kuponit me TVSH zero.
3. Pas këtyre dy proceseve te para, te paraqitet pranë drejtorive rajonale tatimore për te dorëzuar bllokun e faturave tatimore te tërhequra dhe te papërdorura nga ana e tyre, ndërkohë qe duhet te pajisen me blloqet tatimore me emërtimin “Fature e Thjeshte Tatimore”. Blloqet e faturës se thjeshte tatimore nuk tërhiqen nga autoriteti tatimor, por blihen ne shitje te lire ne pika te autorizuara te qytetit
4. Me këtë rast detyrimi i deklarimit online pranë organit tatimor reduktohet një here ne çdo tre muaj dhe kufizohet vetëm me deklarimin e kontributeve te sigurimeve shoqërore e shëndetësore dhe tatimin ne burim.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.