Dëmshpërblimi i ish të përndjekurve, deputeti propozon zgjerimin e kategorive përfituese: Të përfshihen edhe ekzekutimet gjatë luftës

Në Kuvend është depozituar një  amendament i cili parashikon zgjerimin e mëtejshëm të listës së dëmshpërblimeve, për familjet e të pushkatuarve  gjatë luftës nacional- çlirimtare.

Propozimi ka ardhur nga deputeti Artur Roshi, njëkohësisht kryetari i Partisë Balli Kombëtar Demokrat.

Referuar amendamentit,  në ligjin për dëmshpërblimin e familjarëve të viktimave, propozohet që të përfshihen edhe ata që janë ekzekutuar pa gjyq gjatë periudhës kur vendi ishte i pushtuar.

Ligji aktual parashikon dëmshpërblimin për ata që janë dënuar duke nisur nga 30 nëntori i vitit 1944 kurse me propozimin e deputetit parashikohet që llogaritja të nisë që nga 8 nëntori i vitit 1941, kohë kur vendi ishte i pushtuar.

Jenida Vladi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.