Denaj inspekton tatimet Tiranë – Ministrja: 90% e veprimeve online, më shumë kohë për të asistuar bizneset

Ministrja e Financave Anila Denaj ka inspektuar të hënën Drejtorinë Rajonale të Tatimeve të Tiranës.  Tashmë administrata tatimore kryen në rrugë elektronike rreth 90% të veprimeve me subjekt, kohë e kursyer, që sipas Denajt, duhet të shfrytëzohet nga nëpunësit për të asistuar bizneset e individët.

Ajo tha se tashmë administrata tatimore ka më shumë kohë në dispozicion për të zgjidhur problemet e subjekteve, ndërkohë që informacioni i mbledhur në rrugë elektronike është i vlefshëm për të kuptuar ku duhet ndërhyrë e çfarë duhet përmirësuar.

Denaj theksoi se dhixhitalizimi i punës së administratës ka lehtësuar procedurat për bizneset, ka ulur korrupsionin, ashtu si dhe ndikon në mënyrë të drejtpërdrejtë te klima e biznesit.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.