Denaj në takim me institucionet financiare: Së shpejti një paketë ligjore për shërbimin e pagesave
Sipas njoftimit të publikuar nga ministrja e Financave, Anila Denaj është zhvilluar sot një takim me përfaqësues të Bankës së Shqipërisë, Autoritetit të Mbikëqyrjes Financiare, bankave të nivelit të dytë dhe operatorëve të tjerë të tregut të investimeve, për konsultimin e një pakete ligjore që ka të bëjë me shërbimin e pagesave, për sipërmarrjet e investimeve kolektive, tregjet e kapitaleve, tregjet financiare të bazuara në teknologjinë e regjistrave të shpërndarë.
Sipas Denaj në takim u vlerësua rëndësia që kanë këto projektligje për liberalizimin e tregut në fushën e shërbimeve financiare, siç janë ato të shërbimeve të pagesave dhe në tregun e kapitaleve.
Hartimi i këtyre projektligjeve është bazuar në direktivat e BE-së dhe qëllimi është përafrimi sa më shumë i tyre me to, thuhet në njoftim. ”Në fokus është rritja e rolit mbikëqyrës si i Bankës së Shqipërisë, ashtu edhe i Autoritetit të Mbikëqyrjes Financiare për mbrojtjen e përdoruesve të këtyre shërbimeve të reja financiare.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.