Dentistët paralajmërojnë: Stresi pandemik dëmton ndjeshëm edhe gojën!

Kërcitja e dhëmbëve është rritur në mënyrë dramatike në Australi gjatë dy viteve të fundit dhe dentistë të ndryshëm ia atribuojnë rritjen dramatike të problemeve dentare stresit që lidhet me rrethanat e pandemisë.

Ata raportojnë gjithashtu se fenomeni është më i zakonshëm tek të rinjtë dhe ata të moshës së mesme. Sipas presidentit të Shoqatës Australiane Dentare të Shtetit të Viktorias, Jeremy Sternson, viti 2021 ishte viti i dhëmbëve të thyer e të dëmtuar.

Sternson, i cili ka punuar si dentist në Melburn për 25 vjet, u shpreh se shumë nga klientët e tij me dhëmbë të gërryer nuk kishin përjetuar kurrë probleme me kështu lloj dëmtimesh më parë.

Sipas stomatologut të Melburnit, Emily Pow, këshilltare e Shoqatës Dentare Viktoriane, ekziston një grup moshë që ka pësuar më shumë kërcitje apo dëmtime tek dhëmbët: të rinjtë dhe të moshuarit, me një spektër simptomash që rezultojnë më së shumti si dhimbje në nofulla, veçanërisht në zgjim në mëngjes, dhimbje koke dhe tension muskular.

Dihet mirë se kërcitja e dhëmbëve është një simptomë stresi dhe stresi i bllokimeve ka luajtur një rol, veçanërisht “stresi i hyrjes dhe daljes nga bllokimet dhe pasiguria. Ndryshimet e vazhdueshme, si dhe ndryshimi i vazhdueshëm i intensitetit të pandemisë”.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.