Depozitat e BQE u kushtojnë bankave europiane 21 milionë euro në ditë
Mund të quhet “parkimi” më i shtrenjtë i historisë, 21.4 miliardë euro, me një mesatare prej 21 milionë euro në ditë. Kjo është kostoja që Bankat europiane i kanë paguar Bankës Qendrore Europiane gjatë pesë viteve të fundit, dhe vazhdojnë t’i paguajnë, për të depozituar likuiditetet e tepërta në degët e Frankfurtit. Pikërisht pesë vjet pas fillimit të politikës së normës së depozitave negative, përvjetori do të jetë më 11 qershor, sistemi bankar i Eurozonës merret me efektet pozitive të manovrave ekspansioniste të BQE-së. Por edhe me atë që është një efekt anësor i një rëndësie jo të vogël, që në mënyrë të pashmangshme përfundon duke peshuar në llogaritë bankare, sepse “tatimi” për depozitat është rreth 4% e fitimeve mesatare të bankave europiane vetëm për vitin 2018.
Nëse shpenzimet e bëra nga bankat janë aq të larta, siç del nga të dhënat e BQE-së, të përgatitura nga Deposit Solutions, kjo është për shkak se likuiditeti i tepërt është i lartë. Sot gjendja e likuiditetit në sistemin bankar që është më e lartë se nevojat e bankave arrin në mbi 1.900 miliardë euro, të përfaqësuara nga rezerva të detyrueshme minimale.
Arsyeja pse ka kaq shumë para sot është e njohur. Duke filluar në vitin 2015, si reagim ndaj krizës financiare, BQE ka filluar të lëshojë kredi për bankat pa kufizime. Në veçanti, me të ashtuquajturin “Programi i Blerjes së Biznesit” (Paa), Frankfurti ka filluar blerjen e një sërë instrumentesh financiare (duke filluar nga obligacionet qeveritare) me një normë që ka arritur në 80 miliardë euro në muaj. Efekti është se sot në kuadrin e sistemit bankar ka më shumë para sesa është e nevojshme. Para që është transformuar në çakëll, duke pasur parasysh se, për të nxitur bankat të paguanin, BQE kishte prezantuar një normë negative mbi depozitat, gradualisht më të larta, nga -0.1% në qershor 2014 deri -0. 4% aktual. Kështu, vit pas viti, institutet kaluan kuota më të larta në BQE: nga 107 milionë në vitin 2014 në 6.5 miliardë në vitin 2017 në rreth 7.5 miliard në vitin 2018. Viti në të cilin, siç u përmend, ndikimi mesatar i të ardhurave ishte 4.3%, duke marrë parasysh një bazë fitimi prej rreth 175 miliardë euro në shkallë europiane.
Bankat kanë pak alternativa për të luftuar efektet e normave negative të interesit. Ato mund të “rrisin shpenzimet ose të përpiqen të heqin qafe depozitat”, shpjegon Tim Sievers, drejtor dhe themelues i Deposit Solutions. Ose ata mund të veprojnë si një platformë dhe ” t’u ofrojnë klientëve të tyre një zgjedhje të produkteve të depozitave bankare të palëve të treta nëpërmjet marrëdhënies ekzistuese me klientin”. Një zgjedhje që jo pak banka në Europë e kanë zbatuar tashmë.
Burimi: Ilsole24ore
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.