“Deputetët ftohen të dërgojnë pyetjet për programin qeverisës”, Ruçi: Seanca rinis në orën 18:00. Axhenda e punimeve për nesër në Kuvend
Seanca plenare gjatë paradites është mbyllur pak minuta më parë, për të rinisur në orën 18:00 të pasdites së sotme.
Lajmin e konfirmoi kreu i Kuvendit, Ruçi ku ndër të tjera pohoi se deri në orën 16:00 të ditës së sotme deputetët duhet të depozitojnë pyetjet për programin qeverisës.
Po sipas tij në orën 18:00 do të hapet seanca plenare, për të dëgjuar përgjigjet e pyetjeve të bëra nga deputetët, gjithashtu u shpreh edhe për axhendën e ditës së nesërme në Kuvend.
“U dakordësua që të vazhdojmë sipas këtij kalendari: Deri në orën 16:00 të ditës së sotme deputetët të depozitojnë pyetjet që kanë për programin e qeverisë. Në orën 18:00 hapet seanca plenare e cila do të dëgjojë përgjigjet e pyetjeve të bëra nga deputetë të veçantë. Me kaq do të mbyllet seanca e ditës së sotme. Nesër në 09:00 të mëngjesit hapet debati që do të vazhdojë deri në 10:45 do të bëhet një pushim 45 minuta me kërkesë të PD, pasi ka një event politik dhe do të fillojë në 11:30. Grupet parlamentare sot në seancën e orës 18: 00 të depozitojnë edhe listën e diskutantëve për ditën e nesërme”, tha Ruçi.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.