Deputetët, kundër heqjes së rimbursimit për fermerët – Krifca: Mekanzimi i TVSH-së nuk po funksiononte, do të rrisim mbështetjen e drejtpërdrejtë

Paketa fiskale për bujqësinë dhe kryesisht zerimi i rimbursimit të TVSH-së, ka ngjallur reagime në Komisionin e Veprimtarive Prodhuese, ku deputetët e opozitës kanë kërkuar më shumë sqarime ndaj ministres Frida Krifca si dhe kanë mbajtur qëndrim, duke theksuar se ndryshimet do të favorizojnë importin dhe se grupet e interesit nuk janë dakord.

Por Ministrja Krifca është përgjigjur duke thënë se mekanizmi i rimbursimit të TVSH-së nuk funksiononte dhe për këtë arsye është menduar rritje e mbështetjes direkte për fermerët, duke mos i lënë në kushtet a asistencës sociale.

Ministrja prezantoi buxhetin për bujqësinë dhe zhvillimin rural për vitin e ardhshëm, ku u ndal edhe tek përmirësimi i skemës së rimbursimit të naftës, duke bërë që fermerët ta përfitojnë më lehtë, ndërsa parashikohet që të dyfishohet numri i përfituesve.  Në total, buxheti i Ministrisë së Bujqësisë është 2 për qind më u ulët në krahasim më ketë vit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.