Dërgohet mesazhi i parë me ‘forcën e mendimit’ – Nuk është fantashkencë, por një dhuratë nga teknologjia
Një mesazh në Twitter vetëm me mendim: nuk është titulli i një filmi të ri fantastiko-shkencor, por ajo që ndodhi në të vërtetë në Australi, ku një burrë i paralizuar nga ALS (skleroza anësore amiotrofike) arriti të postonte një fjali në rrjetin e famshëm social duke përdorur një ndërfaqe tru-kompjuter. Kjo është hera e parë në botë që një mesazh postohet në mediat sociale vetëm me fuqinë e mendimit (dhe teknologjisë) dhe është një tjetër demonstrim se si komunikimi me sy mund ta bëjë jetën pak më të lehtë për shumë njerëz me aftësi të kufizuara në pamundësi për të komunikuar ndryshe.
“Përshëndetje Botë! Tweet i shkurtër. Përparim monumental “: ky është mesazhi i parë i dërguar nga Philip O’Keefe, 62 vjeç, për botën sociale. “Nuk më duhej të shtypja apo të flisja. Unë e krijova këtë postim në Twitter vetëm me mendimin #helloworldbci, ” ishte ky mesazhi i O’Keefe, i cili më pas shtoi: “Shpresoj t’i hap rrugën një forme të re të tweeting vetëm me mendim.”
Mediat sociale telepatike për të gjithë janë megjithatë një realitet ndoshta më larg sesa mund të duket: sistemi i përdorur nga O’Keefe është mjaft kompleks dhe është krijuar për njerëzit me aftësi të kufizuara të rënda që nuk mund të komunikojnë në asnjë mënyrë tjetër. Ndërfaqja përdor një nyje që implantohet në tru dhe mbështetet në korteksin motorik, pjesa përgjegjëse për lëvizjen fizike të vullnetshme: përdoruesi më pas mund të shikojë një ekran me një tastierë dhe të zgjedhë shkronja për të kompozuar një fjali. Nëpërmjet një pajisjeje tjetër të vendosur në gjoks, një algoritëm i mësimit të makinerive përpunon të dhënat dhe i përkthen ato sinjale në komanda specifike dixhitale.
Sipas O’Keefe, përdorimi është (relativisht) i thjeshtë, “si të ngasësh një biçikletë: kërkon pak praktikë, por sapo ta mësosh vjen natyrshëm”. FCS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.