Dëshironi të jeni më produktiv? – Hiqni dorë nga këto gjëra
Ju të gjithë keni 24 orë në ditë për të krijuar dhe prodhuar rezultate, për të jetuar jetën tuaj në formën më të mirë dhe për të qenë më të pranishëm. Por ju nuk jeni të disiplinuar në mënyrë të barabartë për të eliminuar aktivitetet që zvogëlojnë kohën dhe produktivitetin tuaj. Ndaj për të rritur produktivitetin, ndaloni së bëri këto gjëra.
- Mos u hidhni nga detyra në detyrë
Hapi i parë i të qenit më produktiv është të dini se cilat janë prioritetet tuaja. Kur jeni I qartë me përparësitë që keni ju nuk ndiheni të detyruar të kaloni nga detyra në detyrë. Përkundrazi, mund të kaloni kohën duke bërë atë çka është më e rëndësishme për ju në bazë të prioriteteve tuaja.
- Hiqni fiksimin me rrjetet sociale
Gjëja më e mirë që mund të bëni është të mbyllni rrjetet tuaja sociale për disa orë çdo ditë. Nëse ju arrini të disiplinoni veten tuaj në lidhje me rrjetet sociale atëherë jeni në rrugë të drejtë.
- Mos kontrolloni emailin çdo 15 minuta
Identifikoni 2 apo 3 herë në ditë se kur do të kontrolloni postën tuaj elektronike dhe se kur do t’i përgjigjeni emaileve që iu kanë ardhur. Mos kontrolloni emailin çdo 15 minuta pasi do të humbisni shumë kohë pa e kuptuar.
- Mos dilni në takime të paorganizuara
Eliminoni sa më shumë takime të mundeni. Kur planifikoni takime sigurohuni që të keni një objektiv dhe orare specifike se kur do të largoheni. Kjo do t’ju ndihmojë të riorganizoni kohën tuaj.
- Mos qëndroni gjithë ditën të lidhur pas kompjuterit
Kur rrini te ulur gjithë kohën para kompjuterit, sytë tuaj do të lodhen e truri juaj nuk do të jetë produktiv, në këtë mënyrë nuk do të harxhoni kohë duke u përpjekur të përqendroheni në detyrat tuaja por do të jeni më produktiv.
- Harrojeni perfekten
Harrojeni perfekten, përpiquni për maksimumin tuaj por mos u fiksoni me detajet. Gjithmonë do të ketë vend për përmirësim por nuk duhet të humbisni kohë duke u marrë me detajet e vogla.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.