Dështimi i kompanive përballë koronavirusit – Franca planifikon një skemë prej 23 miliardë euro të mbështetura nga shteti
Franca po planifikon të ofrojë rreth 20 miliardë euro në kredi me kolateral jo të plotë, për firmat e vogla që janë goditur nga kriza e koronavirusit, duke i ofruar investitorëve një garanci shtetërore për 2 miliardë eurot e para të humbjeve. Qeveria franceze, në përpjekje për të parandaluar dështimet tek firmat që kishin nivele rekord të borxhit që përpara krizës, kërkon që programi të jetë funksional deri në fillim të vitit të ardhshëm, ndërkohë që lufton ndikimin ekonomik të koronavirusit. Nën planet që do t’i prezantohen sektorit financiar javën e ardhshme, bankat do të japin fillimisht hua tek firmat e vogla e të mesme e më pas do të shesin 90% të kredive tek investitorët institucional, sipas burimeve për Reuters.
Kjo do të limitojë ekspozimin e bankave ndaj riskut në 10% të kredive, ndërkohë që kanalizojnë fonde edhe tek firmat pa probleme. Ndërkohë që do përfshihet një garanci publike, rregullatorët e ndihmave shtetërore të BE duhet të japin miratim, veçanërisht mbi normën e interest që do jepet. Norma e interesit nuk ka gjasa të jetë më pak se 3-5%, ndërkohë që kreditë do të jenë në rang më të ulët se borxhet e tjera tek bilancet e firmave, sipas burimeve.
Kreditë, me një afat maturimi prej të paktën 7 vite dhe me më pak rëndësi ndaj pretendimeve të tjera të kreditorëve, do të kenë avantazhin të mos quhen si borxh tek bilanci, duke liruar kështu burime për operacionet dhe investimet. Ndërkohë që fluksi i parasë është paralizuar nga kriza, thesari i Francës dhe banka qendrore vlerësojnë se bizneseve të vogla e të mesme do t’i duhet një total prej 20 miliardë euro në kapital.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.