Dështojnë objektivat e vaksinimit në Gjermani. Nuk e ka prekur asnjëherë nivelin 300,000 injeksione në ditë
Që kur Gjermania nisi vaksinimin në fund të muajit Dhjetor, së bashku me Bashkimin Europian, u përball me disa sfida logjistike. Ministri i Shëndetësisë Jens Spahn ka vënë për objektiv 300,000 injeksione në ditë, por deri më tani, vendi nuk e ka prekur asnjëherë atë nivel. Të dhënat nga agjencia e shëndetit publik, tregojnë se në 24 orët e fundit, janë ndërmarrë vetëm 62,000 injeksione. Në total, që kur gjermania ka nisur fushatën e vaksinimit në të gjithë 16 shtetet federale më 2 Dhjetor, rreth 1.2 milionë njerëz kanë marrë dozën e parë dhe 25,000, dozën e dytë.
Nga ana tjetër, Britania, që është vendi i parë në botë që nisi shpërndarjen e vaksinës së Pfizer, ka vaksinuar rreth 4 milionë njerëz deri më tani me dozën e parë dhe mbi 450,000 me të dytën. Problemet me furnizimin kanë qenë të dukshme në nisje të fushatës në Gjermani, ndërkohë që qendra të caktuara kanë pasur mungesë të vaksinave.
Përveç kësaj, ka pasur vështirësi edhe me vaksinimin e grupeve të prioritetit. Deri më tani, vetëm vaksinat e Pfizer me BioNTech dhe Moderna janë miratuar nga Agjencia Europiane e Barnave për përdorim. Kandidati i AstaZeneca që është më i lehtë për t’u magazinuar dhe transportuar, nuk është miratuar ende.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.