Destinacionet më të nxehta 2018, “Vagabond”: Shqipëria, vendi më i mirë për t’u vizituar
Shqipëria renditet si vendi më i mirë për t’u vizituar në vitin 2018, sipas revistës më të madhe suedezë “Vagabond”.
Këtë vit, revista ka listuar 35 destinacione në gjashtë kategori: vendet më të mira, qytetet më të mira, aventurën më të mirë, vendet më të mira me diell dhe plazh, udhëtimet më të mira për ushqimin, dhe udhëtimet me kosto më të ulët.
“Fituesi në kategorinë më të mirë është Shqipëria – një vend që kohët e fundit ka spikatur në botën e udhëtimit, pasi ajo ka gjithçka nga majat e thepisura malore e deri te plazhet e arta mesdhetare”, shkruan revista.
“Të dhënat zyrtare të Institutit të Statistikave (INSTAT) konfirmuan se numri i turistëve nga tregu europian dhe botëror është rritur. Statistika tregoi se në 2016 vizitorët nga Suedia u rritën me 63 përqind”.
Pas Shqipërisë renditet Botsvana, si një nga destinacionet më të sigurta të Afrikës për botën e egër në natyrë. Dhe në vend të tretë renditet Zvicra, sepse i ngjan një bote përrallore me hekurudha të mirëmbajtura dhe maja malore tërheqëse.
Në top listën 3 për kategoritë e tjera renditen si më poshtë:
Qytetet më të mira:
Tel Aviv – “Gjithçka që pjesa tjetër e Lindjes së Mesme nuk e ka, është Tel Aviv: tolerante, e qetë dhe laike. Ka një plazh me rërë prej 8 kilometrash dhe është qyteti më “cool” në Lindjen e Mesme.
Granada – për trashëgiminë botërore Alhambra
Tokio – për një eksperience maksimale në infrastrukturën më të fundit, ushqimin dhe teknologjinë që funksionojnë 24 orë në ditë.
Dielli dhe plazhi më i mirë:
Sardenja – për plazhet më të mira të Evropës
Tobago – për relaksim në klasën botërore dhe plazhet shumëngjyrëshe
Belize – për ishullin midis ishujve dhe atoleve, zhytjeve të ëmbël dhe sepse vendi ka një këmbë në Amerikën Qendrore dhe një tjetër në Karaibe
Destinacionet me kosto më të vogël:
Vietnam – për përvojat e klasit të lartë me kosto të ulët dhe për një pagesë prej 250 korona në ditë pa ulur standardin.
Porto – sepse është perlë gastronomike e Portugalisë. Gjithashtu është edhe e përballueshme dhe relativisht e paeksploruar. Përveç kësaj, ka një çmim të mirë për bileta ajrore.
Kerala – shteti indian. Për të parë listën e plotë të 35 destinacioneve lexoni këtu.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.