Detyra e FED përballë pandemisë, Powell: “Do vazhdojmë të blejmë tituj derisa të ketë progres ekonomik”

Rezerva Federale në Shtetet e Bashkuara premtoi të injektojë para në tregjet financiarë deri sa rimëkëmbja ekonomike të jetë e siguritë.  Pas takimit të politikave monetare, kryetari i sistemit bankar, Jerome Powell, pranoi se mjetet e rezervës monetare nuk janë të përshtatura mirë ndaj nevojave më bazike të ekonomive familjare dhe bizneseve.  Powell tha se perspektiva ekonomike është e pasigurtë dhe do varet kryesisht nga kursi virusit.  Ai përmendi lajmet pozitive të vaksinës, por shtoi se ka ende sfida në lidhje me prodhimin dhe shpërndarjen.

“Perspektiva për ekonominë është jashtëzakonisht e pasiguritë dhe do të varet nga kursi i virusit. Lajmet e fundit mbi vaksinën kanë qenë pozitive. Megjithatë, ka ende sfida të mëdha si koha, prodhimi dhe shpërndarja e vaksinës.  Është e vështirë për të vlerësuar përmasën e ndikimit ekonomik nga këto zhvillime.”

Kryetari i Rezervës Federale  shtoi se familjet dhe bizneset janë në nevojë të parasë, diçka që Kongresi po përpiqet të ofrojë me paketën e re të pandemisë prej 900 miliardë dollarë.  Në projeksionet tremujore, zyrtarët e bankës rritën perspektivën për këtë vit edhe tjetrin. Tashmë ata shohin një rënie me vetëm 2.4% të Produktit të Brendshëm Bruto në vitin 2020, krahasuar me projeksionet e një goditjeje me 6.5% në Qershor.  Për vitin e ardhshëm ekonomia e SHBA pritet të rritet me 4.2%, nga 4% që pritej më parë.   Ndërkohë që norma bazë e interesit është ankoruar në pranë zero për vitet e ardhshme, Rezerva Federale premtoi të vazhdojë programin e blerjes së titujve të borxhit, deri sa të ketë progress në punësim dhe objektivin e inflacionit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.