Detyrimet paguhen me interes 6.3 % – Tatimet nuk ndyshojnë kamatvonesën e borxhit tatimor

Janë 18 150  biznese që rezultojnë debitore pranë administratës tatimore. Edhe pse këto sipërmarrje që nuk paguajnë detyrimet tatimore ka ardhur në rënie gjatë muajve të parë të këtij viti, përsëri mbetet i lartë.

Por referuar mospagesës së detyrimeve nga sipërmarrja, administrata tatimore ka lënë të pa ndryshuar  edhe për  periudhën e  parë të vitit  normën e  interesit  prej 6.3  përqind, në të njëjtën vlerë  me 6 mujorin e  dytë të vitit të kaluar.

Sipas njoftimit zyrtar të tatimeve  publikohet norma e interesit që aplikohet për llogaritjen e kamatëvonesës, kur detyrimi nuk paguhet në afat deri në datën e pagesës së tatimit.

Masa e kamatëvonesës, sipas ligjit, është 120 për qind e shkallës së interesit ndërbankar të Bankës së Shqipërisë, që përcaktohet çdo tremujor, në bazë të shkallës mesatare të tremujorit paraardhës.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.