Detyrimi i vaksinimit në vendet e punës – Administrata e Biden përpiqet ta rivendosë. I kërkon gjykatës të heqë urdhrin
Administrata e Biden i ka kërkuar një gjykate federale të apelit që të heqë urdhrin e ndalimit të rregullit të vaksinimit ndaj Covid-19 në vendet e punës, për të shmangur një dëm serioz ndaj shëndetit publik. Administrata deklaroi se vonesa e vendimit që i kërkon punonjësve të vaksinohen apo të testohen çdo javë, do të sjellë në mijëra shtrime në spitale apo vdekje.
Shtëpia e Bardhë kërkoi që rregulli të rivendoset menjëherë, por gjykata ka caktuar një orar të informimit, që vazhdon deri më 10 Dhjetor. Administrata e Presidentit Biden, ka lëshuar disa rregulla që synojnë inkurajimin e vaksinimit, por vendimi i Agjencisë së Sigurisë dhe Shëndetësisë në Punë më datë 5 Nëntor ishte më i ashpri. Rregulli i agjencisë i kërkon bizneseve me të paktën 100 punonjës, që mbulojnë dhjetra milionë amerikanë, që të përshtaten deri më 4 Janar.
Pavarësisht se 82% të rriturve në SHBA kanë marrë të paktën 1 dozë të vaksinës, detyrimi i vaksinave është kthyer në një çështje politike mbi lirinë e qytetarëve dhe shëndetit publik. Rregulli është sfiduar nga shtete republikane, bizneset dhe sindikatat, dhe u bllokua shumë shpejtë nga Gjykata e Apelit e Qarkut të Pestë, që e quajti si tejet gjithëpërfshirës.
Pasi u vendos urdhri i ndalimit, paditë nga i gjithë vendi u transferuan tek qarku i gjashtë në Cincinnati. Kjo i dha një mundësi administratës së Biden që të kërkojë rishikimin e vendimit të gjykatës në qarkun e pestë. Administrata bën të ditur se nëse vendimi do qëndrojë, të paktën të modifikohet duke kërkuar veshjen e maskave dhe testime.
K . LL / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.