Deutche Bank jashtë Londrës – Do të zhvendosë 4,000 vende pune në Frankfurt e Berlin

Banka më e madhe gjermane, Deutsche Bank, po vlerëson kthimin e  rreth gjysmës së vendeve të punës në Mbretërinë e Bashkuar drejt kontinentit, ndërkohë që huadhënësi nis planet për Brexit.

Pjesa më e madhe e 4,000 vendeve të punës do të zhvendosen në Frankfurt dhe Berlin, nën skenarin bazë të bankës. Deutsche Bank do të nisë me zhvendosjen e pozicioneve vitin që vjen, pasi të ketë përfunduar përgatitjet dhe miratimet rregullatore.

Bankat që po shqetësohen në lidhje me  progresin e dobët në negociatat për Brexit, po aktivizojnë planet emergjente dhe themelojnë qendra në Europë.

Frankfurti dhe Dublini po përfitojnë pjesën më të madhe të vendeve të punës që po zhvendosen. Frankfurti pritet të tërheqë gjithashtu gjigantë si Citi dhe Standard Chartered.

Sipas raporteve të Deutsche Bank, huadhënësi ka rreth 7,000 punonjës në Londër dhe 8,500 në te gjithë Mbretërinë e Bashkuar.

Banka ka nisur përgatitjet për pjesën më të madhe të aktiveve të tregtisë dhe bankingut të investimeve në Frankfurt, duke u përgjigjur ndaj Brexit.

Sipas analistëve, banka do të zhvendosë rreth 300 miliardë euro aktive jashtë Londrës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.