Dhoma e Përfaqësuesve rrëzon veton e Trump. Hiqet bllokada e ligjit të mbrojtjes, miratohet pagesa $2000 për amerikanët
Dhoma e Përfaqësuesve në SHBA votoi në nisje të Javës për të hedhur poshtë veton e presidentit Donald Trump ndaj ligjit të politikave të mbrojtjtes prej 740 miliardë dollarë, ç’ka vuri në dukje ndarje të mëdha në Partinë Republikane gjatë javëve të fundit në detyrë. Dhoma e Përfaqësuesve votoi me 322 pro dhe 87 kundër, për të hedhur poshtë veton e Trump, të cilën e mbështetën edhe 109 republikanë. Tashmë i takon senatit të japë votën e fundit dhe nëse nuk e pranon, do të ishte mospranimi i parë i vetos gjatë presidencës së Trump. Presidenti, që ndodhet në konflikt me disa republikanë që kanë rpanuar humbjen e tij ndaj demokratit Joe Biden, vuri veton ndaj ligjit të mbrojtjtes javën e kaluar.
Trump tha se e bllokoi ligjin pasi kërkon të përmbysë mbrotjen ligjore ndaj mediave sociale jo të lidhura me sigurinë kombëtare, si dhe kundërshton provigjonin për të emëruar bazat ushtarake pas gjeneralëve që luftuan ndaj Konfederatës pro skllavërisë në Luftën Civile. Ligji, që trajton një serë çështjesh të politikave të mbrojtjtes dhe përfshin rritje të pagave ndaj trupave amerikane, është kaluar nga Kongresi çdo vit që prej vitit 1961. Nga ana tjetër, Dhoma e Përfaqësuesve votoi me 275 pro dhe 234 kundër për kërkesën e Trump për pagesa të pandemisë prej 2,000 dollarë, duke e çuar masën në Senat. Trump kërcënoi të bllokojë edhe paketën e pandemisë nëse Kongresi nuk rrit pagesat ndaj individëve në 2,000 dollarë, nga $600. Ai u tërhoq ditën e Diel, prej rrezikut të mbylljes së qeverisë. Megjithatë, demokratët kanë dashur prej kohësh rritjen e pagesave në 2,000 dollarë dhe kanë rënë dakord për herë të parë me Trump.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.