Dhuratat-Festat e fundvitit, jo vetëm lodra! Parashikimet e shitjeve dhe lista e produkteve që shiten më shumë

Bashkimi Kombëtar i Konsumatorëve ka realizuar një studim mbi shpenzimet e Krishtlindjeve 2017, duke vlerësuar se cilat do të kenë shitjet më të larta, jo në bazë të sondazheve por duke përpunuar të dhënat e INSTAT mbi shitjet e viteve të kaluara.

Në vend të parë, nw Itali,  janë lojërat (lodra e artikuj sportivë), sikurse e do tradita. Në vend të dytë janë orët dhe stoli të çmuara si si unaza, varëse, vëthe etj. Në vend të tretë janë parfumet dhe sendet e kujdesit personal ndërsa në vend të katërt janë librat. Më pas, në radhë vijnë smartphonet e kompiuterat. Në fund të listës janë pajisjet elektroshtëpiake, radiot, televizorët etj. Sipas “Ansa”, studimi analizon edhe rritjen e shitjeve që regjistrojnë këto produkte në muajin dhjetor krahasuar me nëntorin. Lojërat e lodrat që mbajnë vendin e parë në këtë klasifikim shënojnë një rritje prej 70,7% krahasuar me nëntorin, stolitë shënojnë rritje me 67,6% ndërsa parfumet me 63,3%. Ushqimet janë në vend të 11 dhe shënojnë një rritje prej +28,7%.

Ky zë përfshin si rritjen e shpenzimeve që regjistrohet për darkën apo drekën e Krishtlindjeve, ashtu edhe dhuratat e këtij lloji si prodhimet e pastiçerisë apo embëlsira të ndryshme.

Sigurisht duhet evidentuar se zëri “ushqime” është një shpenzim konstant për familjet gjatë gjithë vitit, dhe në ndryshim nga prodhimet specifike të Krishtlindjeve si dhuratat, rritja në këtë rast është më e vogël.

http://www.ansa.it/canale_lifestyle/notizie/tempo_libero/2017/12/08/regali-di-natale-giochi-gioielli-orologi-al-top-delle-vendite_e81aab4f-df23-4649-82a8-95c01122cacd.html

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.