Di Maio: Në qeverinë e Italisë nuk ka vend për riorganizime!
Zëvendëskryeministri i Italisë Luigi Di Maio tha se koalicioni i tij në pushtet do të vazhdojë punën dhe nuk do të kishte riorganizime pasi ata të arrinin një marrëveshje me Komisionin Europian mbi buxhetin e vitit 2019.
Di Maio tha se nuk shikonte “re në horizont” për qeverinë, e përbërë nga Lëvizja e tij 5- Yjet dhe Lidhja.
“Një ekip që fiton nuk ndryshon” – tha ai, për Radio Capital, duke nënkuptuar se nuk do të kishte riorganizime.
Sipas Reuters, ai tha se qeveria tani do të vazhdojë me programin e saj të reformave dhe se do të fillojë punën në janar, në shkurtimin e 345 anëtarëve të parlamentit, në mënyrë që të reduktojë kostot.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.