Di Maio sugjeron një tjetër reformë – Jo më shumë se dy mandatë për anëtarët e qeverisë
Lëvizja qeverisëse e 5 Yjeve në Itali, sugjeroi përdorimin e një truku verbal për të zgjidhur një problem që preokupon disa nga politikanët e saj, një kufizim në gjithsej dy mandate për sa i përket kohës së zgajtjes së qëndrimit të anëtarëve në pozitë. Partia anti-establishment e 5 Yjeve u formua 10 vjet më parë duke shkundur në themel politikat italiane si dhe duke premtuar të sillte transparencë në një botë që ishte e përfshirë në korrupsion të shfrenuar dhe marrëveshje të dyfishta.
Si pjesë e kësaj lëvizjeje, ajo vendosi një rregull të brendshëm që asnjë anëtar nuk mund të mbajë zyrën e zgjedhur për më shumë se dy mandate, një përpjekje për të parandaluar politikanët që të vendosin rrënjë dhe për t’i dhënë partisë një furnizim të vazhdueshëm me energji të freskët.
Mbështetësit e përgëzuan masën, por 5 Yjet shqetësohen për faktin se gjenerata e parë e këshilltarëve në nivel lokal së shpejti do të largohet nga detyra, ndërsa rregullimi fillon të hyjë në fuqi, duke marrë me vete njohuritë e tyre të çmuara politike me vete. Në lidhje me këtë Di Maio u shpreh në një video në Facebook se “Çfarë mund të bëjmë për të siguruar që kjo përvojë të mos humbasë? Ne kemi vendosur të prezantojmë të ashtuquajturin mandati zero, qe do të thotë se mandati i parë nuk llogaritet në rregullin e dy mandateve”.
Reforma do të zbatohet vetëm për politikanët lokalë, tha ai, duke lënë një pikëpyetje ende të varur mbi të ardhmen e tij dhe atë të shumë prej fytyrave më të njohura të 5-Yjeve. Më shumë se 80 politikanë të 5 Yjeve në parlamentin kombëtar aktualisht po shërbejnë në mandatin e dytë, duke përfshirë ministrin e drejtësisë, ministrin e shëndetësisë dhe kryetarin e dhomës së ulët. (Reuters)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.