Di Maio, ultimatum për PD: Pranoni programin tonë, ose zgjedhje të parakohshme

Lideri i Lëvizjes 5-Yjet, Luigi Di Maio, po mban një qëndrim të ashpër ndaj partnerëve të koalicionit, duke thënë se Partia Demokratike duhet të pranojë disa kërkesa për të përmbushur marrëveshjen për ndarjen e pushtetit.

Fillimisht, investitorët në tregje e mirëpritën koalicionit mes Lëvizjes 5-Yjet dhe Partisë Demokratike, të cilat i dhanë mandatin kryeministrit, Guiseppe Conte për të krijuar qeverinë e re. Armiqësia e gjatë mes këtyre dy partive ka dalë sërish në sipërfaqe pas komenteve të Di Maios.

I pyetur nga gazetarët për mundësitë e zgjedhjeve të reja, Di Maio tha: “Mendoj se mund të shkojmë në zgjedhje në çdo kohë në Itali. E vërteta është se ata që rrëzuan qeverinë dhe tani po kërkojnë zgjedhje u larguan nga premtimet elektorale që kishin bërë.

Di Maio shtoi se nëse do të formohet qeveria me Partinë Demokratike, atëherë ajo duhet të realizojnë reforma të thella që italianët presin, si reforma në drejtësi, taksimi, punësimi, shëndetësia dhe mirëqenia.

“Programi ynë është i qartë. Nëse partnerët do të përfshihen në program, atëherë le të fillojmë punën. Nëse jo, do të ishte më mirë ti drejtoheshim zgjedhjeve, sa më shpejt të jetë e mundur”, tha Di Maio për gazetarët.

Nëse palët do të dështojnë në arritjen e një marrëveshjeje, trazirat politike do të riktheheshin në Itali. Ligjvënësit duhet, gjithashtu, të bien dakord për një buxhet të ri në muajt në vijim.

Lidion Kulla/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.