Diplomatët, rritje pagash me 20% – Bushati: Vendimi, për të stabilizuar shërbimin
Duke filluar që nga 1 prilli i vitit 2019 diplomatët shqiptarë do të marrin paga më të larta. 20% është parashikuar rritja e rrogave ndërkohë që për ministrin për Evropën dhe Punët e Jashtme Ditmir Bushati , kjo rritje bëhet për ta stabilizuar këtë shërbim dhe për ta sjellë në standardet e vendeve të tjera.
Bushati renditi disa nga prioritet për vitin e ardhshëm, ku veç përmirësimit të shërbimeve konsullore janë edhe zhvillimi i diplomacisë ekonomike si dhe çështjet e sigurisë. Buxheti për Ministrinë për Evropën dhe Punët e Jashtme për 2019-ën është rritur me 3% në raport me vitin 2018.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.