Direktiva e Shërbimit të Pagesave – Huadhënësit europianë përgatiten për një revolucion në bankingun retail
Rregullat e reja në Bashkimin Europian mbi pagesat dhe bankingun online që pritet të hyjnë në efekt këtë të Shtunë, shënojnë nisjen e një revolucioni që do të ndryshojë bankingun tradicional retail dhe detyrojë huadhënësit për të rivlerësuar modelin e tyre të biznesit.
Direktiva e Shërbimeve të Pagesave 2 (PSD2), që lejon shitësit me pakicë dhe konsumatorët për të anashkaluar bankat, duke autorizuar pagesat në mënyrë direkte nga llogaritë personale, synon që të ulë kostot dhe rrisë alternativat duke zgjeruar rangun e firmave që ofrojnë shërbime financiare.
Rregullat e Bashkimit Europian, që reflektojnë gjithashtu avancimin e shpejtë të teknologjisë në banking, si përdorimi i smartphonave, i hap derën aplikacioneve në online të teknologjisë financiare (fintech), si Money Dashboard, Plum dhe Moneybox, si dhe gjigantë të themeluar me kohë si Amazon, Apple, Facebook dhe Google.
“Ne ashtu si gjithë të tjerët në këtë industri, nuk e kuptojmë se në çfarë rezultati do të ketë kjo”, tha Karina McTeague, drejtoresha e mbikëqyrjes së bankingut retail në rregullatorin e Britanisë, Autoritetin e Mbikëqyrjes Financiare (FCA).
Ekspertët e industrisë thonë se direktiva do të ketë ndikime gjigante për bankat tradicionale retail. Edhe pse firmat që pajisen me licencën (PSD2) nuk do të jenë të autorizuara për të marrë depozita dhe dhënë kredi, anashkalimi i bankave nënkupton se kartat e debitit dhe kreditit nuk do të jenë të nevojshme për pjesën më të madhe të transaksioneve online.
Konsumatorët do të kenë mundësinë që të autorizojnë firmat për të aksesuar llogaritë e tyre për të mbështetur manaxhimin e financave.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.