Disbalanca e shkëmbimeve/ Në 2019, i dhamë më shumë mallra Kosovës por i morëm shumë më pak (Shifrat)

Gjatë vitit 2019, Shqipëria ka njohur një rritje të konsiderueshme të shkëmbimeve tregtare me Kosovën.

Referuar të dhënave të INSTAT për tregtinë e Jashtme, gjatë vitit 2019, Shqipëria eksportoi në Kosovë mallra në vlerë 29.8 miliardë lekë duke njohur një rritje me 2.8 miliardë lekë më shumë se në 2018. Referuar të dhënave të ISTAT, ndikimin më të madh në këtë rritje e kanë sjellë grupet “Ushqim, pije, e duhan”, “produkte kimike e plastike”.

Ndryshe ka ndodhur me importet kur Shqipëria ka njohur një ulje të konsiderueshme, raporton SCAN.

Në vitin 2019, Shqipëria importoi nga Kosova 7.7 miliardë lekë mallra duke njohur një rënie me 1.2 miliardë lekë më pak se në 2018.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.