Diskutimi për paketën fiskale 2022/ PD propozon amendamentin për uljen e TVSH-së së ushqimeve

Në diskutimin e fundit për buxhetin e paketën fiskale të vitit 2022, Partia Demokratike ka prezantuar zyrtarisht një amendament për uljen e TVSH-së për produktet ushqimore të shportës. Në emër të grupit parlamentar të PD-së, Jorida Tabaku tha se amendamenti parashikon uljen e TVSH-së nga 20 % në 6 % për produktet e shportës.

“Rritja e çmimeve me pakicë thuajse 30 %. Kemi kërkuar interpelancë. Nga kjo nismë, përfitojnë 659 mijë individë. Paketa fiskale ka një ulje të TVSH-së për hoteleri- turizmin me 5 yje kur paketa fiskale ka përjashtuar rentën minerare, kur ka një ulje të taksave për karburantin e mjeteve lunduese, kur ka kaq shumë favore për ata që kryeministri refuzon t’i cilësojë si oligarkë. Një serë taksash janë bërë me porosi. Çfarë i kushton parlamentit që të marrë një masë për diferencimin e TVSH-së. Do të dëgjojmë diskutime se kjo e prish skemën e TVSH. Por kjo nuk duhet parë si masë që shkakton rënie të ardhurash në buxhetin e shtetit” tha Tabaku.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.