Disneyland Shangai mbyll 33,000 vizitorë brenda – Qindra mjekë testojnë njerëzit në një skenë surreale prej vetëm 1 infeksioni

Disneyland dhe Disneytown në Shangai janë mbyllur ditën e Diel dhe do qëndrojnë të tilla deri të Martën, me qëllim të parandalimit të epidemisë, ndërkohë që njerëzit ngelën brenda dhe janë subjekt i testit të acidit nukleik.   Parku lojërave i zotëruar pjesërisht nga gjiganti Disney, i premtoi klientëve surpriza për Halloween, por asnjë nuk priste që stafi mjekësor të zhvillonte teste në masë ndaj dhjetëra mijëra vizitorëve që nuk mund të dilnin. Kjo ndodhi pasi një grua që vizitoi parkun ditën e Shtunë, u testua pozitive me Covid.

Shangai Disneyland mbylli qendrat e brendshme të lojërave dhe ndaloi vizitorë të rinj, ndërsa pak lojëra në ambiente të jashtme qëndruan të hapura, ndërkohë që autoritetet qeveritare mbyllën derën e parkut, në mënyrë që asnjë të mos dilte pa bërë test të Covid.  Mbyllja krijoi skena të frikshme që u bënë virale në mediat sociale, pasi qindra njerëz me veshje të izoluar po testonin fëmijë dhe vizitorë të tjerë, ndërkohë që shpërthenin fishekzjarrët.

Qeveria mbylli gjithashtu linjat e metrove që lidhin parkun në qytet dhe dërgoi 220 autobusë për të çuar vizitorët në shtëpi për vetë-izolim. Qeveria e Shangait lajmëroi në nisje të Javës se ka testuar 33,000 njerëz të lidhur me një vatër të mundshme në Disneyland dhe asnjë nuk doli pozitiv.   Megjithatë, Disnelyland lajmëroi se do qëndrojë i mbyllur ditën e Hënë, të Martë dhe mbase dhe më gjatë. Kjo vë në dukje strategjinë e ashpër të Covid zero që po ndjek Kina, çka nuk toleron asnjë infeksion dhe zbaton masat më të ashpra për të ndaluar përhapjen.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.