Dita botërore e talasemisë – Meta: Dhuroni gjak të përmirësojmë jetesën për këtë kategori
Rreth 7% e popullatës në mbarë botën është bartëse e një hemoglobinopatie, dhe çdo vit lindin mesatarisht 300 mijë -500 mijë fëmijë me hemoglobinopati. Në dita Ndërkombëtare të Talasemisë jepet mesazhi për dhurimin e gjakut në mënyrë që të ndihmohen të gjithë fëmijët që kanë nevojë. Presidenti Ilir Meta i papranishëm në aktivitetin e realizuar me rastin e ditës së talasemisë ka bërë apel që të gjithë të dhurojnë gjak në mënyrë sistematike.
Në këtë aktivitet u sollën edhe një herë në vëmendje të gjitha problematikat me të cilat duhet të ndeshet një fëmijë apo pacient me talasemi. Sipas kryetarit ët shoqatës së Talasemikëve Musa Zeneli, në listën e medikamenteve të rimbursuara është zëvendësuar preparati që merrej nga vend i origjinës me ato që prodhohen në vendet e lindjes.
Aktualisht në vendin tonë numërohen rreth 600 pacientë me talasemi. Studimet e deritanishme e kanë shndërruar talaseminë nga një sëmundje fatale të fëmijërisë në një sëmundje kronike, por akoma jo të mirëmenaxhuar për të siguruar cilësi të jetës së tyre.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.