Dita e 56 e protestës, opozita: Ja premtimet që s’mbajti Rama për bujqësinë, infrastrukturën dhe energjetikën
Në ditën e 56 të protestës para Kryeministrisë, grupi parlamentar i Partisë Demokratike kritikoi premtimet që sipas tyre, qeveria nuk i ka mbajtur gjatë këtij mandate qeverisës. Ish-kryeministri Sali Berisha, tha se qeveria përgjysmoi fondet për bujqësinë dhe reforma në arsim solli një kosto shtesë për familjet shqiptare me rreth 10 milionë euro.
Nga ana e tij deputeti Florion Mima, tha se qeveria ka rritur borxhet në energjetikë. Duke folur për investimet e huaja, Mima tha se shifrat që citohen nga qeveria si arritje, i përkasin vendimeve të marra në kohën e qeverisjes së djathtë.
Në protestën e opozitës morën pjesë edhe aleatë të PD-së, të cilët folën për largimin e kryeministrit Edi Rama dhe krijimin e një qeverie teknike.
Florenc Drizari/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.