Dita e dytë në rënie, çmimet e naftës udhëhiqen nga SHBA

Çmimet e naftës kanë vijuar të humbasin terren për të dytin sesion me radhë gjatë ditës së sotme, si pasojë e rritjes së prodhimit në Shtetet e Bashkuara të Amerikës, pavarësisht se OPEC vijon të implementojë strategjinë e shkurtimit të prodhimit.

Investitorët në tregun e naftës janë në pritje të të dhënave që do të publikojë ditën e Mërkurë administrata amerikane e energjisë. Në çelje të sesionit të sotëm, nafta Brent e Londrës kuotohej pranë nivelit të 56.38 dollarëve për fuçi, ndërsa ajo bruto amerikane pranë 53.86 dollarëve për fuçi.

Ekspertët shprehen se trajektorja e çmimeve po udhëhiqet nga suksesi dhe rimëkëmbja e naftës argjilore në Shtetet e Bashkuara.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.