Dita Ndërkombëtare e Rinisë, Basha: Do ulim tarifat në universitete, do paguajmë stazhet vjetore të punës
Mbështetje për të rinjtë duke ulur tarifat në Universitete. Kryetari i opozitës Lulzim Basha ka shprehur edhe një herë mbështetjen për të rinjtë shqiptar me uljen e tarifave të shkollimit si dhe me ofrimin e stazheve vjetore të paguara.
Në ditën Ndërkombëtare të Rinisë , kreu i opozitës ka zgjedhur rrjetin e tij social Twitter për të treguar se është në krah të të rinjve. Sipas Bashës të rinjtë në Shqipëri janë braktisur nga qeverisja aktuale.
Rreth 300 mijë të rinj janë të papunë, duke e renditur Shqipërinë si vendin e parë në Evropë për papunësinë e të rinjve.
Ndërkohë që 70% e tyre kërkojnë që të largohen drejt BE-së. Por ajo që është më problematike sipas kreut të opozitës është fakti se rreth 133 mijë të rinj kanë braktisur shkollën në këto katër vitet e fundit.
Një tjetër problematikë që shoqëron të rinjtë shqiptar është edhe ai i konsumimit të lëndëve narkotike. Sipas Bashës Shqipëria zë vendin e parë në botë për përdorimin më të lartë të kokainës tek të rinjtë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.