“Dita pa Makina”-Kufizohet lëvizja e makinave. Aktivitete festive për të gjitha moshat

Bashkia e Tiranës rikthen nismën “Dita pa Makina”, ku përmes aktiviteteve  të ndryshme  synohet ndërgjegjësimi i qytetarëve që të shmangin të paktën për një ditë automjetet e tyre, si ndotëset kryesore të ajrit.

Me rastin e kësaj dite, e cila krahas nismës është edhe ditë  e shënuar kombëtare, janë organizuar  edhe aktivitete  të  larmishme  festive për të gjitha moshat, nga më të vegjlit me lojra dhe sport, Amfitetatër “e ardhmja dhe shpresa”, pjesë të luajtura nga  Banda e qytetit , maratona vrapimi “Wings For Life” World Run 2019 e  deri tek aktivitetet për  të moshuarit.

Ashtu sic ishte paralajmëruar një ditë më parë,  disa prej akseve rrugore në kryeqytet,  këtë të diel  kanë qenë të  bllokuara. Sipas planit,është kufizuar  qarkullimi i automjeteve në segmentet Bulevardin “Dëshmorët e Kombit” nga ora 08:00 deri në orën 17:00, në Sheshin “Nënë Tereza” deri në mesnatën e 6 majit.

Ndërkaq, qarkullimi i automjeteve, mjeteve të emergjencës dhe Policisë së Shtetit  bëhët  në rrugët “Ibrahim Rrugova”, “Lek Dukagjini” dhe “Papa Gjon Pali II”. Po ashtu devijime ka edhe për mjetet e transportit urban të qytetit. Kjo masë e ndërmarrë nga Bashkia e Tiranës në bashkëpunim me  Policinë e Shtetit dhe Policinë Bashkiake, ka synim për t’i mundësuar qytetarëve të festojnë  qetësisht.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.