Ditë tragjike për Shqipërinë! Bilanci i tërmeteve

Ditë tragjike për Shqipërinë! Tërmetet që preken gjatë natës Shqipërinë kanë shkaktuar pasoja të shumta njerëzore dhe materiale në rajonin e Durrësit dhe Tiranës.  Endë nuk ka një bilanc zyrtar të viktimave ndërsa janë mobilizuar strukturat e emergjencës për të nxjerrë personat që mund të gjenden poshtë rrënojave. Zona më e prekur ështëThumana.  Në total janë regjistruar më shumë se 17 lëkundje të forta.

Sipas IGJEUM goditja kryesore ka kaluar. Në zonën epiqendrore qytetarët këshillohen të qëndrojnë jashtë pasi pasgoditjet që përvijojnë mund të shkaktojnë dëmtime të mëtejshme.

Pezullohet mësimi në Tiranë e Durrës

Ministria e Arsimit, Sportit dhe Rinisë njofton se për të gjitha shkollat e Qarkut Tiranë dhe Qarkut Durrës do të pezullohet mësimi ditën e sotme. Ndërkohë për shkollat e qarqeve të tjera, do të ketë një njoftim të dytë.

Informacion për udhëtarë që fluturojnë nga Aeroporti Ndërkombëtar “Nënë Tereza”

Si pasojë e lëkundjeve të forta të tërmetit mëngjesin e sotëm në orën 03:54 minuta, në Aeroportin Ndërkombëtar “Nënë Tereza”, u bë evakuimi i menjëhershëm drejt pikave të grumbullimit, si në zonë tokësore po ashtu dhe në zonë ajrore.

Menjëherë u kontrollua terminali, pista dhe zonat e manovrimit, i gjithë perimetri dhe stacionet e karburantit. Nga kontrollet e bëra nuk rezultoi të kishte dëme nga tërmeti.

‪Në orën 04:28 minuta, situata u normalizua dhe operimet filluan normalisht. Për shkak të situatës së krijuar, fluturimi për në Beograd u nis me 30 minuta vonesë.

Njoftojmë qytetarët se operimet në aeroport vijojnë normalisht.

Fluturim të mbarë dhe të sigurt.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.