Dixhitalizimi – AMA merr 40 mln lekë për financimin e fushatës për kalimin në transmetimet numerike
Autoriteti i Mediave Audiovizive ka përfituar fondin shtesë prej 40 milionë lekësh për vijimin e financimit të fushatës së informimit të publikut për kalimin e transmetimeve analoge në dixhitale.
Referuar vendimit të sotëm, kjo shtesë fondi do ti akordohet AMA-s nga Ministria e Infrastrukturës dhe Energjisë në formën e tranfertës.
Aktualisht, procesi i dixhitalizimit të transmetimeve televizive është përmbyllur në disa qarqe, konkretisht në atë të Beratit, Korçës dhe Fierit.
Ndërkohë, AMA është duke bërë edhe përgatitjet e fundit për zbatimin e këtij projekti të rëndësishëm në qarqet e Tiranë dhe Durrësit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.