‘Do të kthehemi përsëri pas 15 ditësh’ – 2 të arratisur nga burgu në Itali lënë një shënim mirësjellje për gardianët

Dy të dënuar që u arratisën nga një burg në Romë javën e kaluar kanë lënë për rojet një shënim mirësjellje, duke thënë se ata kishin një biznes dhe duhet të kujdeseshin për të, por do të ktheheshin shpejt, raportoi të martën një gazetë.

Dy kushërinjtë, Davad Zukanoviç, 40 vjeç dhe Lil Ahmetovic, 46 vjeç, u aratisën nga burgu Rebibbia brenda natës më 2 qershor duke hapur një kalim në mur duke përdorur një tub uji që më pas e kishin lënë në një oborr.

Por para se të shpëtonin, ata lanë një shënim në qelinë e tyre duke u shpjeguar se kishin arsye personale pse kishin nevojë të iknin, thoshte e përditshmja Repubblica.

Ata ishin të shtyrë nga “nevoja për të mbrojtur fëmijët e tyre nga një biznes i keq në të cilin kishin hyrë vetë”, thoshte e përditshmja, duke parafrazuar përmbajtjen e letrës.

Të burgosurit saktësuan se vetëm ata mund t’i bënin gjërat ashtu si duhet, pasi gratë e tyre ishin gjithashtu të dyja në burg.

Në fund të shënimit të nënshkruar, Zukanoviç dhe Ahmetoviç premtuan të ktheheshin brenda rreth 15 ditësh, pasi të zgjidheshin gjithçka, tha gazeta.

Burrat vuanin dënime deri në vitin 2029 për krime jo të dhunshme, përfshirë mashtrimin dhe marrjen e mallrave të vjedhura.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.