Doganë-AKU/ Bashkëpunim për sigurinë e qytetarëve dhe kontrollit të zinxhirit të mallrave
Drejtori i Përgjithshëm i Doganave Shqiptare, Genti Gazheli, ka zhvilluar një takim me Drejtorin e Përgjithshëm të Autoritetit Kombëtar të Ushqimit, Bledar Skënderi, mbi forcimin e bashkëpunimit mes dy institucioneve, sipas publikimit në faqen zyrtare të Doganës vendase.
Sipas njoftimit gjatë këtij takimi bashkëbiseduesit u dakordësuan për një angazhim të shtuar mbi bashkëpunimin mes këtyre dy institucioneve në kuadër të punës së përbashkët që bëhet në Degët Doganore, sidomos ato kufitare.
“Krerët e dy institucioneve diskutuan dhe për shkëmbimin e informacionit në kohë reale për sa i përket ngarkesave që mbërrijnë në vendin tonë, të cilat janë lajmëruar nga vendet anëtare të BE-së që mund të jenë me rrezik për shëndetin e qytetarëve apo që nuk duhet të hyjnë brenda territorit shqiptar,” shkruhet në njoftim.
Drejtoria e Përgjithshme e Doganave thekson se bashkëpunimi me të gjitha agjencitë ligj zbatuese, sidomos në pikat kufitare është shumë i rëndësishëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.