Doktoresha Rreli në “Argument”: Më mirë mbajtja e maskës se një tub në sistemin e frymëmarrjes

Në emisionin “Argument’ mbrëmjen e sotme ishte e ftuar doktoresha Arjana Rreli, e cila ka diskutuar së bashku me gazetarin Enio Civici mbi masën e fundit të qeverisë ndaj COVID-19, që mbajtjen e maskës e ka bërë të detyrueshme në ambiente të hapura dhe të mbyllura, ndërsa qytetarët e pabindur do përballen me masën e gjobës.

Doktoresha Rreli u shpreh se mbajtja e maskës është një zgjidhje më e këndshme se një tub në frymëmarrjen tonë duke bërë kështu apel për të gjithë qytetarët:

“Shumë vende në Europë kanë fillaur që të marrin sërish masa të rrepta kufizimi dhe në lidhje me vendimin e qeverisë shqiptare mendoj se është më mirë të mbajmë maskën se një tub në sistemin tonë të frymëmarrjes duke disktuaur edhe jetën në këtë mes. Duhet të mësohemi që kjo maskë është e detyrueshme për shendetin tonë edhe pse na kufizon në disa mbarëvajtje tonat apo veprime që i kishim më të lirshme.”  – u shpreh doktoresha.

Më tej ajo ka shpjeguar se si duhet ta marrim mentalitetin e ri të maskës dhe se vendosja e saj është një shenjë inteligjence nga njeriu, por edhe përgjegjësie për rolin e tij në komunitet:

“Mënyra e këndvështrimit, pra duhet ta shikojëmë si dicka që na nevojitet, dhe është prioritet. Kur njeriu vendos prioritete si ato që do mbroj jetën time, të afërmve dhe familjes time ai ka tendencën ti pltoësojë ato. Duke u nisur nga vetja e hapim si ajo pika në një rrjet më të gjerë mbrojtjen tonë. Kjo e bën më pak konfliktualë personin me atë që do donte të ishte ndryshe. Ne të gjtihë do donim të jetonim në një botë pa Covid, por kjo nuk do të thotë që nuk do ta përballim edhe këtë problem të ri që është shtuar në jetët tona. Duhet të tregohemi inteligjentë dhe të përballemi me këto kushte. Kjo gjë do zgjidhë në mënyrë sa më efikase problemin.”

G.K / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.