Dollari Amerikan, Euro dhe Poundi Britanik në javën e dytë të gushtit- Analizë e luhatjeve

Dollari Amerikan (USD)

Dollari Amerikan ka ndjerë luhatje në javën e dytë të gushtit. Referuar kursit zyrtar të këmbimit nga Banka e Shqipërisë, dita ‘më e mirë’ e Dollarit Amerikan ka qenë data 16, në të cilën është këmbyer me 109.03 lekë.

Nga ana tjetër, në datën 13, Dollari ka pasur momentin ‘më të dobët’ të javës kundrejt lekut, në të cilën është këmbyer me 107.84 lekë.

Ndërsa, në datat 14 dhe 15, Dollari Amerikan është këmbyer përkatësisht me 108.24 dhe 108.52 lekë.

Euro (EUR)

Po të njëjtat luhatje si Dollari Amerikan ka pasur edhe monedha e Eurozonës gjatë javës së dytë të gushtit. Euro e ka nisur dhe mbyllur javën dobët.

Në 13, monedha e Eurozonës është këmbyer me 120.82 lekë, ndërsa në datën 16, me 120.92 lekë. Euro kapi maksimalen e këmbimit ditën e enjte, datë 15, në të cilën është këmbyer me 121.11 lekë.   

Poundi Britanik (GBP)  

Për sa i përket Poundit Britanik, gjatë javës së dytë të gushtit ka lëvizur në këmbim valutor nga 130.16 – 132.41 lekë.

Edhe monedha britanike, ashtu si Euro dhe Dollari Amerikan është luhatur ndjeshëm gjatë javës. Megjithatë, dita ‘më e mirë’e Poundit Britanik kundrejt lekut është shënuar 16 gushti, e premte, ndërsa ajo më e dobët, e martë, datë 13.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.