Dollari Amerikan, Euro dhe Poundi Britanik në javën e fundit të gushtit – Analizë e luhatjeve

Dollari Amerikan (USD)

Dollari Amerikan ka ndjerë luhatje në javën e fundit të gushtit. Referuar kursit zyrtar të këmbimit nga Banka e Shqipërisë, dita ‘më e mirë’ e Dollarit Amerikan ka qenë data 30, në të cilën është këmbyer me 110.59 lekë.

Nga ana tjetër, në datën 26, Dollari ka pasur momentin ‘më të dobët’ të javës kundrejt lekut, në të cilën është këmbyer me 109.09 lekë.

Ndërsa, në datat 27,28 dhe 29, Dollari Amerikan është këmbyer përkatësisht me 109.34 , 109.99 dhe 110.22 lekë.

Euro (EUR)

Po të njëjtat luhatje si Dollari Amerikan ka pasur edhe monedha e Eurozonës gjatë javës së fundit të gushtit. Euro ka pasur ndryshime më pak të dukshme gjatë kësaj jave.

Dita më e mirë për euron ka qenë data 30 ku ka kapur vlerën e 122.12 lekëve ndërsa dita më e dobët ka qenë data 26 ku është shkëmbyer përkatësisht me 121.26 lekë.

Poundi Britanik (GBP)  

Edhe Poundi ashtu si Dollari dhe Euro ka bërë përmirësime javën e fundit të muajit Gusht.

Dita më e mirë e poundit kundrejt lekut është data 30 ku është shkëmbyer me 134.79 lekë ndërsa dita më e dobët është data 26 ku poundi është shkëmbyer përkatësisht me 133.48 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.