Dorëhiqet 3 muaj pasi u emërua nga Trump, drejtori i Komunikimit të Shtëpisë së Bardhë – U kritikua lidhur me strategjinë e tij
Drejtori i Komunikimit në Shtëpinë e Bardhë ka dhënë dorëheqjen vetëm tre muaj pasi ai u emërua nga Presidenti Trump. Mike Dubke paraqiti letrën e tij të dorëheqjes më 18 Maj, por qëndroi gjatë udhëtimit të parë të Trump jashtë shtetit. Nuk dihet ende se kur do të jetë dita e tij e fundit e punës e tij në administratën e Shtëpisë së Bardhë.
“Ai ka shprehur dëshirën për t’u larguar nga Shtëpinë e Bardhë”, tha Kellyanne Conway, këshilltare e Presidentit Trump për Fox News.
Dorëheqja e zotit Dubke vjen pas kritikave të ngritura në Shtëpinë e Bardhë, lidhur me strategjinë e tij të komunikimit, në veçanti pas kontradiktave midis Presidentit dhe ekipit të tij të shtypit.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.