Dorëzimi i inventarëve/ Tatimet: Afati deri me 11 janar, në mënyrë elektronike
Drejtoria e Përgjithshme e Tatimeve u kujton tatimpaguesve se duhet të dorëzojnë në mënyrë elektronike inventarin analitik të datës 31 dhjetor 2020. “Inventari duhet të përmbajë informacione në lidhje me lëndën e parë, produktet e gatshme, mallrat për rishitje, të detajuara në njësi, sasi, çmim dhe vlerë. Informacioni duhet të ngarkohet elektronikisht në e-Filing, në rubrikën “Çështjet e mia”, brenda datës 11 Janar 2021” njoftojnë Tatimet.
Administrata Tatimore nxit tatimpaguesit të përmbushin me korrektesë këtë detyrim ligjor, brenda afatit dhe të shmangin penalitetet.
Për çdo informacion në lidhje me dorëzimin e inventarit analitik të datës 31.12.2020, tatimpaguesit mund të kontaktojnë Qëndrën e Thirrjeve në numrin 0800 0002, e hënë- e enjte në orarin 08.00-16.30 dhe e premte 08.00-14.00.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.