Doza e tretë e Pfizer, 86% efektive – Izraeli ofron të dhëna për personat 60 vjeç e sipër

Një dozë e tretë e vaksinës së Pfizer/BioNtech ishte 86% efektive tek njerëzit në moshë 60-vjeç e sipër, sipas ofruesit e kujdesit shëndetësorë në izrael, që permendi rezultate fillestare nga një studim i mijëra pjesëmarrësve.

Qendra shëndetësore  HMO Maçabi, që mbulon rreth 25% të popullsisë prej 9.3 mln të izraelit, krahasoi 149,144 persona mbi 60-veç, që morën dozën e tretë të paktën 1 javë më parë, me mbi 675 mijë, që kanë marrë vetëm 2 doza, nga Janari në Shkurt. Rreth 37 persona u testuan pozitiv me Covid pas dozës së tretë, krahasuar me 1,064 raste pozitive  tek ata me vetëm 2 doza, sipas një deklarate të qendrës.

Pfizer ka thënë se efektshmëria e vaksinës bie me kalimin ek ohës dhe doza e tretë ka treguar numër shumë më të lartë të antitrupave neutralizues kundër virusit origjinal SARS-CoV-2 si dhe kundër varainteve Beta dhe Delta. Izraeli nisi të administrojë një dozë të tretë të Pfizer në muajin e kaluar, për t’i bërë ballë rritjes së infeksioneve lokale të nxitura nga Delta.

Rreth 1.1 milionë izraelitë të përshtatshëm për vaksinim, që janë njerëz mbi 50-vjeç dhe punonjës shëndetësorë, kanë marrë dozën e tretë. SHBA dhe disa vende europiane pritet të ofrojnë doza nxitëse tek të moshuarit dhe ata me sistem imunitar të dobët.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.