DPSHTRR jep ‘breaking news’: Patenta, direkt në dorë pas provimit!

Të gjithë ata që zotërojnë një leje drejtimi, e njohin mirë periudhën ‘e famshme’ 15 ditore në pritje të kartonit. Duke nisur që nga 15 gushti, pritja do të reduktohet në vetëm 30 minuta, pa shuar entuziazmin e marrjes së provimit.

DPSHTRR ka njoftuar se kartonat, dublikat, rinovimet apo hera e parë që pas marrjes së provimit do mund të tërhiqen fill pas gjysëm ore.

Kjo risi do të nisë me kryeqytetin, duke qenë se Tirana lëshon rreth 50 % të numrit total të patentave, por automatikisht do të ndikojë në përshpejtimin e procedurave edhe në qytetet e tjera.

DPSHTRR njofton se kjo procedurë e reduktuar 720 herë në kohë, nuk do të ketë tarifë ekstra.

“As mik, as bakshishe, jo privilegj por e drejtë për të gjithë!” shkruan DPSHTRR në njoftim.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.