DPSHTRR: Lehtësi për Autoshkollat – Administrimi i dokumentacionit nuk do të kryhet më nga drejtoritë rajonale
Drejtoria e Përgjithshme e Shërbimeve të Transportit Rrugor ka njoftuar se administrimi i dokumentacionit të ndërmjetëm të aplikantëve për leje drejtimi nuk do bëhet më nga drejtoritë rajonale por nga vetë Autoshkolla.
Sipas njoftimit me anë të kësaj risie do të zgjidhet një praktikë e gabuar duke i dhënë besim e përgjegjësi Autoshkollave që tashmë mund të vetorganizojnë më mirë kohën, takimet e lëvizjet si edhe duke ndihmuar stafet e vetë DPSHTRR-së të maksimizojnë rendimentin e ditës së punës.
Tashmë i dedikohemi sistemeve të informatizuara dhe praktikave online, duke hequr kështu arkivën e ndërmjetme, vazhdon publikimi. Ky Ndryshim siguron efektshmëri në menaxhim si dhe shmangie të procedurave të tepërta të verifikimit, bën me dije DPSHTRR.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.