DPSHTRR masa disiplinore për personelin që ka shkelur ligjin / Ndëshkohen 16 punonjës në 6 drejtori rajonale
Nëpërmjet një njoftimi të publikuar në faqen zyrtare DPSHTRR ka bërë me dije se ka marr disa masa disiplinore për punonjësit e këtij institucioni të cilët kanë abuzuar me ligjin.
Këto masa janë marrë përkatësisht për 16 punonjës në 6 drejtori rajonale.
DRSHTRR Tiranë – 8 masa disiplinore:
- 5 Vërejtje nga të cilat 3 me paralajmërim për largim nga puna!
- 2 Njoftime për fillim procedure për ndërprerjen e marrëdhënieve të punës!
- 1 Largim nga detyra!
DRSHTRR Fier – 3 masa disiplinore:
- 2 Vërejtje me paralajmërim për largim nga puna!
- 1 Njoftim për fillim procedure për ndërprerjen e marrëdhënieve të punës!
DRSHTRR Laç – 1 Njoftim për fillim procedure për ndërprerjen e marrëdhënieve të punës!
DRSHTRR Berat: 1 Njoftim për fillim procedure për ndërprerjen e marrëdhënieve të punës!
DRSHTRR Dibër: 2 Njoftime për fillim procedure për ndërprerjen e marrëdhënieve të punës!
DRSHTRR Kukës: 1 Vërejtje me paralajmërim për largim nga puna!
Shkeljet e konstatura janë:
- Regjistrim i mjeteve rrugore me sistem drejtimi në krahun e djathtë;
- Identifikim të gabuar të treguesit të mjetit: “vëllimi i motorit/cilindrata” dhe “kategoria mjedisore”, kryesisht për mjetet që importohen nga shtete, dokumentacioni shoqërues i të cilëve nuk është i plotë me të gjithë treguesit apo nuk ka përputhje me standardet;
- Kalim i mjetit në testin e kontrollit teknik me të meta teknike duke rrezikuar sigurinë rrugore në qarkullim;
- Regjistrim i mjeteve të kategorisë N1 me vit prodhimi mbi 15 vjet;
- Regjistrim i mjetit me sistem ushqimi (lëndë djegëse) benzinë-gaz, ndërkohë që sipas dokumenteve shoqërues të mjetit lënda djegëse është vetëm benzinë;
- Identifikim dhe regjistrim i gabuar i treguesit: “Kodi i karrocerisë”, “Destinacioni i përdorimit”, “Lloji i mjetit”, “Vendi i origjinës”, etj.
- Deklarim i rremë i arsimit e diplomës;
Përveç këtyre masave administrative, DPSHTRR do të vijojë edhe me kallzim penal për rastet e shkeljeve të rënda!
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.